Urdu Ghazals

Nazar Main Zakhm-e-Tabbasum Chupa k

Nazar Main Zakhm-e-Tabbasum Chupa Chupa k mila

Khafa To Tha Wo Magar Mujhse Muskura k Mila

Wo Humsafar K Mere Tanz Pe Hansta Tha Bohat

Sitam Zareef Muje Aaina Dikha Ke Mila

Mere Mizaj pe Hairan Hai Zindagi Ka Shaoor

Main Apni Moat Ko Aksar Gale Laga K Mila

Main Us Se Mangta Kia Khoon Baha Jawani Ka

K Wo Bhi Aaj Muje Apna Ghar Luta k mila

Main jisko Dhoond Raha Tha Nazar Ke Raste Main

Mujhe Mila Bhi Tou Zalim Nazar Jhuka K Mila

Main Zakham-e-Zakham Badan Le K Chal Dia

Wo Jab Bhi Apni qabar Per Kanwal Saja K mila 

Aik bay rang sa manzar hai kah

Aik bay rang sa manzar hai kahan tak sochon

zindagi main terey baray main kahan tak sochon

Phenknay walay nay tu door say pathar phenkay

aur main sirf paroosi k makaan tak sochon

Tera chehra bhi na yaad aye k tu kaisa hai

main tujhay sooch k reh jaaon yahan tak sochon

Loog jis mor per ghabra k bechar jaatay hain

tujh say milnay ka yaqeen ho tu wahan tak sochon 

Aik dia dil main jalana bhi, b

aik dia dil main jalana bhi, bujha bhi daina,

Yaad KaRNa bhi usey roo, bhula bhi daina,

Kia kahon yeh meri chahat hai k nafrat is ki,

Naam likhna bhi maira, likh k mita bhi daina,

Phir na milnay ko bicharta hon tuj say laikin,

Murr k daikhon to palatnay ki dua bhi KaRNa,

Khat bhi likhna usay, mayoos bhi rahna us say,

Jurm KaRNa bhi magar khud ko saza bhi daina,

Mujh ko rasmon ka takalluf bhi gawara laikin,

Jee main ayai to yeh diwar gira bhi daina,

Soorat-e-naqsh-e-qadatm, dasht main rehna,

Apnay honay say na honay ka pata bhi daina 

kitni mushkil se kati kal ki m

kitni mushkil se kati kal ki meri raat na pooch

dil se nikli hui honton me dabi baat na pooch

wo kis adaa se merey saamnay se guzraa abhi

kis tarha mainay sambhaley merey jazbaat na pooch

waqat jo badley to insaan badal jaatey hain

kya nahi dikhlaatey yeh gardish-e-halaat na pooch

wo kisi ka ho bhi gaya or mujhey khabar na hui

kis tarhan usney chudaya hai mujh se haath na pooch

Is tarhan pal mein mujhay begana kar diya usnay

Kis tarhan apno se khaai hai mainey maat na pooch

ab tera pyaar nahi hai to sanam kuch bhi nahi

kitni mushkil se bani thi dil ki kayenaat na pooch 

Kaisay kahoon k apna bana lou 

Kaisay kahoon k apna bana lou mujhey

bahoun mein apni sama lou mujhey

Bin tumharey aik pal bhi ab kat-ta nahin

Tum aa ker mujhi say chura lou mujhey

Zindagi tou woh hai sang tumharey jo guzrey

Dunya kay gamoun say ab chura lou mujhey

Meri sab say gehri khuwahish hou puri

Tum agar pass apnay bula lou mujhey

Yeh kaisa nasha hai jou behka raha hai

Tumhara hoon mein tou sambhalo mujhey

Najanay phir kaisay guzrey gi zindagani

Agar apnay dil say kabhi tum nikalo mujhey 

Yaad nahi kya kya dekha tha sa

Yaad nahi kya kya dekha tha sare manzar bhool gaye

us ke galiyon se jab laute apna bhi ghar bhool gaye

khub gaye pardes ki apne divar-o-dar bhool gaye

shish-mahal ne aisa ghera matti ke ghar bhool gaye

tujh ko bhi jab apni qasamen apne wade yaad nahi

hum bhi apne khwab teri aankhon mein rakh kar bhool gaye

mujh ko jinhone qatl kiya hai koi unhen batalaye “nazeer”

meri lash ke pehlu mein wo apna khanjar bhool gaye 

Teri khushbu ka pata karti 

teri khushbu ka pata karti hai

mujh pe ehsan hawa karti hai

shab ki tanhai main ab to aksar

guftagu tujh se raha karti hai

dil ko us rah pe chalna hi nahin

jo mujhe tujh se juda karti hai

zindagi meri thi lekin ab to

tere kahne main raha karti hai

us ne dekha hi nahin WaRNa ye ankh

dil ka ehwal kaha karti hai

beniyaz-e-kaf-e-dariya angusht

ret par nam likha karti hai

sham parte hi kisi shakhs ki yad

kucha-e-jan main sada karti hai

mujh se bhi us ka hai waisa hi suluk

hal jo tera ana??? karti hai

dukh hua karta hai kuch aur bayan

bat kuch aur hua karti hai

abr barse to inayat us ki

shakh to sirf dua karti hai

masla jab bhi utha chiragon ka

faisala sirf hawa karti hai

Aankhain khuli rahain gi to

Aankhain khuli rahain gi toh manzar bhi ayen gay

Zinda hai dil toh aur sitamgar bhi ayen gay

Pehchaan lo tamaam faqeeron kay khadd-o-khaal

Kuch log shab ko bhais badal kar bhi ayen gay

Gehri khamosh jheel kay paani ko yun na chaidh

Cheenthay uday toh teri qaba par bhi ayen gay

Khud ko chhupa na sheesha garon ki dukaan main

Sheeshay chamak rahey hain toh pathar bhi ayen gay

Kaise kahain k jaan se pyar

Kaise kahain k jaan se pyara nahi raha

Ye aur baat ab woh hamara nahi raha

Ansoo tere b khushk hoye aur mere b

Nam ab kisi nadi ka kinara nahi raha

Kuch din tumhare laot k ane ki aas thi

Ab us umeed ka b sahara nahi raha

Reste Meh-o-Najoom k tabdeel hogye

In khidkiyon main aik b tara nahi raha

Samjhe the dosron se bohat mukhtlaf tujhe

Kya maan lain k tu b hamara nahi raha

Hathon pe bujh gai ha muqaddar ki kehkshan

Ya rakh ho gya woh sitara nahi raha

Tum aitbar is k lye kyon udas ho

Ik shakhs jo kabi b tumhara nahi raha

To kya ye tay hai k ab umr bha

To kya ye tay hai k ab umr bhar nahi milna..

To phir ye umar bhi kyon, tum se gar nahi milna..!

Chalo zamane ki khaatir ye jabr b seh len

K ab kabhi jo milay,toot kar nahi milna..

Ye kon chupke se tanhaiyon main kehta hai

mere baghair sakoon umr bhar nahi milna..

Rah-e-wafa k musafir ko kon samjhaaye

kay is safar mein koi humsafar nahi milna..

Juda to jab bhi hue dil ko yun laga jaise

k ab gaye to kabhi loat kar nahi milna..!!